اه يا ولفي شمعزتك (علي كاظم الصبيحاوي )

اه يا ولفي شمعزتك

انته يمي الروح خضره ومن تغيب الشيب يطلع
وانه گتلك مو صحيحه
مزااااااعلك
بس زعلي جاهل من تفكله جفوف يرجع 
اه يا ليلة وداعك
ضيعتني وليل المفارگ حريمه
يمته من فرگاك تجزع
جبته بيدي صلاله گلبي لباب عينك
بلكت اشكيلك محنتي
ويا ربيع الروح تقنع
لهسه واگفلك محطه وسجه اتاني
وحسب لطيفك ثواني
يا لهفتي اعليك لهفه
لهفة ام الضيعت جاهل وابنها اگدار يرضع
اه كونك بيه تقنع
هيج اطشك صوره صوره
وهيج اناغيهن صورك يا ونيني اونين (داخل)
من يغني احزان طوره
وبيش اردك يا بخت بيه ويجيبك
انه گلبي الما يشور
وانه دين الماله سوره
اه يا لهبة دليلي ابيش اطفها
مشتعل بجفاك كوره
بداعة الله ابيش احلفك لا تهدني
وهذا ثوبك بيدي اشگه لو شفت مگفاك دوره
يا نجمتي
الطافيه بنص مشتهاتي
ليلي اظلم ونته نوره
الناس من تهوه وتزاعل عدها سهله
عكس روحي وطبع گلبي
انه ماي وگلبي راكد من تغيب يهيج فوره

                                                                                     الشاعر : علي كاظم الصبيحاوي

طعنـــــــة محب ( للشاعر : علي كاظم الصبيحاوي )

طعنة محب

نويت بروحتك وستعجليت بساع
لمن حرك اشراعك طرشت نبره !!
جفك ما تشيله اموادعك مغتاض؟
بحيث توادعينه بحاجب ونظره
ما همت عيوني الفيضت مگفاك
ولاهمك حسرتي ونحبتي بعبره
من اذكر ضحكتك روحي تصبح نار
مثل كوّره وكضتها الليل متوجره
روحي بصفنتك خسرانه 100 احساس
عله الصفنات ذبت مية الف حسره
گبل بيدك تعتني وما اريد اهواك
وصيحن بيك امشي وترجع بفكره
گتلك ردني عوفه ولا تجلب بيه
الردن مو باب امام وخاطر تجره
رضيت وياك امشي وأدري جذاب
تسمعني البلابل بين الف صحره
كضت وياك تزعل ورجع وياك
لعب جاهل عشرتك ينتهي بجمره
اعرفه غراب وجهك مو للطيور
متقدر الغصن لو صرت الك شجره
ردت راسي وحنيته اگبالك الراس
لجن رديت راسي ويخطل بطبره
خاين... زحمه اگلك تترك احساس
العتب باطل بذان الخاين العشره

نــــاس ابـــلا وعـــي ( للشاعر : محمود المدرس )

نــــاس ابـــلا وعـــي تــتــهمــك اسنيــــن
بــــأسم مـشـبـــوه تــــنـسبـلك خصالــــه

يـــــل شــايــل خــلك خـــلك النــــواعـيـــر
تــــدور الـــدنيــــه بـــس هــو اعـلـه حـالـه

احنــــه السلــه يمـــنه ونــرمــي بــالكـــاع
ونحــجي اعـــلــــه التـــخلــــف والحثــالــه

لــــو مـــا أنـــت عـدنــــه الشـارع يــصـيــر
نــفايـــاتـــه بـكـــثر نــاســه الجـــهــالــــه

يــــاغيــــرة عـــــراقــــي بثــوره العـشيـرن
مــــو مـــكـــنـــاســــه بيـده تـكــول فــالـه

الـــمــــفـروض يـنـــــصب الـــك تـــمـثـــال
وتــــحــــت تـــمثــــالك نـــثــبت مـقـــالــه

انـــــت انــــظــــف بــشر بـالشـارع تـكـــون
وعـجيـــبه نـصيـحـلـك يـــابـــو الــزبـــالــــه
----------------------------------------------
محمود المدرس

حسام البهادلي: طموحي هو ان اقدم برنامج بعنوان ( لا خوف )

حسام البهادلي: طموحي هو ان اقدم برنامج بعنوان

( لا خوف )

حاوره/ ليث الهجان

أعلامي مبدع أحد الاعلاميويون الكبار الذي ظهروا في الاعلام العراقي بعد سقوط النظام البائد ،كانت بدايتهُ مع قناة الفيحاء وعمل معهم معد للبرامج .وبعدها كانت انطلاقته نحو الوسط الاعلامي العراقي وانتقل الى بلادي الفضائية معداً ومقدما للبرامج الاجتماعية والسياسية والثقافية وهو الاعلامي حسام البهادلي وهو لا زال متواصل في عطائه في الاعلام وللنتعرف عن حسام البهادلي أكثر قمنا بإجراء حوار صحفي معه:-
*حدثنا في البدء عن بداياتك في الوسط الاعلامي؟ومع من كانت بدايتك؟
- كما قيل مسيرة الالف ميل تبدأ بخطوة واحدة ،،، وهذه الخطوة كانت في قناة الفيحاء عندما عملت معهم معداً للبرامج الرياضة ،،، حيث كانت تجربة فريدة وصعبة وجميلة للغاية ،، جُمعت بها كل المتناقضات
ولكن وبفضل من الله أستطعت ُ أن أثبت للقائمين على الفيحاء بأني على قدر المسؤولية وبالتالي نجح برنامجي نجاحاً مميزاً وهو برنامج ( ملاعب الفيحاء ) من تقديم الاعلامي ( كريم صبري ).

*ما هي اهم المحطات الاذاعية والتلفزيونية التي عملت معها؟واكثر محطة اضافت لك؟
- عملت مع الفيحاء كمعد للبرامج الرياضية
مع بلادي ولازلت مقدماً للبرامج السياسية والاجتماعية
الان انا أقدم برنامج رياضي ( الرأي الرياضي ) في أذاعة الرأي العام RPnews
* كيف تجد واقع الاعلام العربي مقارنتاً مع الاعلام العربي؟رأيك؟
- هناك بون ٌ شاسع بين الاعلام العراقي والاعلام العربي
اعلامنا مازال متلكأ ويحبو يعتمد على المجاملات والمحسوبية وكذلك نظرته حزبيه ضيقة وهذا لا يمنع بانه اليوم تجاوز بعض اخطاءه
اما الاعلام العربي فيعتمد على جذابية الصورة وهو منفتح على الاخرين ولديه امكانات مهوله.

*ماذا يحتاج الاعلامي العراقي لكي يصل الى المستوى المطلوب؟
- يحتاج الى
اولا: أن يتحرر من حزبيته
ثانيا: دورات اعلامية حقيقية لصقل مواهب الاعلاميين وثالثاً الاعتماد على بعض الشخصيات الاعلامية العربية والعالمية في تسيير بعض مفاصله.
*في الاونة الاخيرة كثرت الفضائيات العراقية ولكنها لا تفتح ابوابها للمبدعين وخصوصا الشباب؟دائما المبدع يركن جانباً على حساب المجاملات؟
- مشكلة مجتمعنا العراقي تكمن في أنه غارق في بحر من المحسوبيات والمجاملات ،،، أضافة الى كابوس الواسطات ،،، فنحن نسير في اعلامنا باتجاه وضع الرجل الغير مناسب في المكان الغير مناسب ،،، والاعلام مهنة يتمناه الكثير من الناس ،،. فاصبح الاعلامي اليوم محسوداً ،، وبالتالي في كل مؤسسة اعلامية تجد جيش من المنافقين وهم يحاربون المبدع او المميز خوغاً على اماكنهم.
*ما هو طموحك في الاعلام؟

- طموحي هو ان اقدم برنامج بعنوان ( لا خوف )
اتحدث به عن عادات وتقاليد مجتمعنا الباليه وكذلك اطعن بشرعية كثير من المقدسات والتي لا قدسية لها بالاساس.

يل مجفي عني شعطلك ( الشاعر : علي كاظم الصبيحاوي )

يل مجفي عني شعطلك؟

كونك تمر 
شايلك اوشالت عذر 
بلكت تحس انته بذنب !! 
بلكت يرد گلبك يحب !! 
مو وشلت ذاك الصبر
وعيوني لمتلك بجي
بين الدمع يمكن شبر
اتعنالي وقبل جيتك… حت لو جذب !!
بس كونك تردلي بعذر
قنعني جانت غربتك سفرة بطّر
قنعني يو مات الورد
تضحك سمه
يوگع مطر
قنعني لمن سافرت ما فكرت بيك بخطر
جم ليله انام اعله ال( يجي باجر وفز)
وتنطرك
نومة يتيم بمگبره
وخايف يون
وانه احسب ابالي شكثر گلبك صلف
تانيته يصفالي ويحن
عايش غريب
بلا حضن
من ضيعت جفك امس
ما جني اصابع ضيعت برويحتي مفارگ وطن
وسوالفك ذيج الهوه
يا ريه فكوها ومشن؟
تدري الشماته بغربتك ذلة وجه
وحلوگهم ماصخ حجن
تذكر گبل؟
جرح أولي؟
واخر جرح منك غفه؟
كل ذني ابشرنك صحن
عمري الگبل
نجمه وضوه
وعيونه تتلاله بصبح هديتني وكلهن طفن
يل رايدك ردلي بعذر
حت لو بعد نسمه انتهي
امنيتي اشوفنك تجي
راضيلك تردلي بجفن

                                                         الشاعر : علي كاظم الصبيحاوي

هيه غمه الدنيا مدري الحظي واگف 
المهم دنيانه غبره 
من شفت لون اليحب دلاله عاطل 
ما خذت بلون عبره 
هيج ناوي وخل اللم البيه وحجي 
اليطب دلالي اكسره
الگلتله وسد اذانه وطبلي روحي
سرفنت للشوگ ابتره
كافي احب الما يحبني وجفه فاله
واليودني اصفاله شجره
انه بيه شجم ولف رد روحه ماي
عطشاني وهدني صحره
راح اشيل لديره تكره كل حمام
والغصن بالديره كفره
گلبي ما حطه بقفص صدري ويعيش
دورتله جفوف حفره
هذا حدي وراح اموت الليله گلبي
وبالجنازه يروح سفره




                                                                                             لشاعر : علي عبد كاظم الصبيحاوي

قصيدة للشاعر الرائع (أيهاب المالكي)وأكيد راح تعجبكم
ما ردت احبك...حاولت ...من لفظة اسمك حاذرت...كلمة وشلتهه امن الحجي ...ومن اللسان اخفيتهه...وبيبان روحي امقفّله...وعن ﻻ‌ أحب سدّيتهه...صلفه امنياتي الرادتك..سألتني عنك بس صمت كلش وﻻ‌ حاجيتهه...كالتلي: وينه ...وجاوبت...ما أدري ما دلّيتهه...ما ردت احس حبك ﻷ‌ن ...كبلك الروح انطيتهه...والخاطرك رحت اعتذر ...منّيت بيهه الخاطرك...مثل الطفل لمّن يمّن ابحاجته....وياك اعز ناسي انتهوا...ما كمت احسّ ابعازته...ابدربي كلت لو مو سوه...أمشي حياتي ابﻼ‌ درب..يمكن يشّح عني الهوه...( ﻻ‌ بس جذب)....معقوله ما نمشي سوه...؟؟؟!!!معقوله في لحظه الشمس للكاع ماتنطي ضوه...؟؟؟وتنتهي وما نلكه صبح...!!!!معقوله يطلعلي جرح؟؟؟... معقوله ريشة شفتك...ترسملي بالضحكه رمح..؟؟؟!!!( ﻻ‌ مو صدك)....خلينه من هذا الحجي ...بجفوني سولة اعله البجي...وصياد كاعد بالجفن للدمع شايل فالته...وياي احسّك جن صرت ...مثل الهﻼ‌ل وهالته...كالولك: ايعوفك تره ....تذكر كبل ...؟؟؟كتلي شكلهم؟؟؟... كتلك : أي ...كلهم لمن من يمّي تمشي اجنازته....هو آنه عايشلك ﻷ‌ن ....دمّي اﻷ‌عزّ ما بالجسد بس انت تعرف حالته...من ما يحس ابلمستك ...يخلص وتبقه اوشالته....تذكر جنت...من تعتنيلي ابلهفتك مشتاك حتى اتشوفني...؟؟؟وتلكاني روحي امشككه ...ولمسات ادّيك اتروفني...؟؟؟؟تتركني هسه قررت..؟؟؟ ينطيك كلبك ننتهي وبس باﻻ‌حﻼ‌م اتشوفني...؟؟؟تتركني هيج ابﻼ‌ ذنب...؟؟؟برّرلي حتى لو جذب...ملّيت..؟؟؟!!! ...كلي كمت املّ....شيحمله ليلي ابوحدتي...؟؟؟ ما ينحمل بعدك تره ...وجذّبت كتلك ينحمل.....كتلك : لمن تمشي تره ...تتركني وحدي جن طفل...تايه وكل اهله مشوا ...عايش يتاني الما أجوا ...كلشي اليمرّ ايفزز حتى الشماته اتفزّزه...من تمشي وايهب الهوه...يلتفت حسباله حجوا...لكن لمن يتذكرك...حتى الشماته المابجوا ...من شافوا ادموعه بجوا...هيج آنه من عنّي رحت ...ما تسكت ادموعي ولو...دوّرتك آنه ابغربتي...شفتك وطن ...حنّيت الك...لكن لكيتك غربتي....احتاريت منهن ياهي اصحّ ما بين ذلّي وعزّتي...اختاريت اعوفك حتى ﻻ‌ ...تكسر قرارك دمعتي...او ونّيت سكته وما ردت...يتشمتون ابونّتي....صح اضحك ابنبرة فرح...بس ركّز ابصوتي بعد ....تسمع نحيب ابضحكتي ...!!!هم مثلي كلبك ما نسه...؟؟؟؟وهم بعد من تمشي درب...تذكرني خطواتك بعد؟؟؟...تترك فراغ الخطوتي..؟؟؟!!!ﻻ‌ تسكت ...( ألﻼ‌) بيّنت ...بيّن أثرهه ابعبرتي...وﻻ‌ تلتفتلي بس ردت ...أنطيك آخر ما بقه ...وهو اشبقه..؟؟؟مني خذت كلشي وبقت ...دمعات ليك ابذمّتي....

ﺻﺎﺭ ﺍﻟﺤﺰﻥ ﻣﺴﻜﻦ ﻟﻠﻴﻌﺸﻜﻮﻥ،،
ﺑﻐﻴﺮ ﺍﻟﻌﺸﻚ ﻣﺎ ﻳﻘﺒﻞ ﺍﻗﺎﻣﻪ،،
ﻳﺎﺭﺑﻲ ﺣﻜﻤﺘﻚ ﻫﺬﺍ ﻣﻮ ﺣﺎﻝ،،
ﻛﺴﺮ ﺧﺎﻃﺮ ﻋﻴﻮﻧﻲ ﻭﺗﺒﺠﻲ ﻳﺎﻣﻪ،،
ﺍﻛﻠﺔ ﺍﻟﻴﻮﻡ ﺭﺍﻳﺢ ﺍﺩﻓﻦ ﺍﻟﺮﻭﺡ،،
ﻣﺎﺷﻲ ﺍﻳﻜﻠﻲ ﺗﻮﺻﻞ ﺑﺎﻟﺴﻼﻣﻪ

اوكف اشويه اعله بختك مشتهيك
كلمه وادري بحضرتك محضوره
انطيني خدك ها.. ولو صعبه عليك
خل اضوكه ابحلكي احس مروره
وصوره خل ناخذ سوه وبعدين اموت
عل اقل وياك ماخذ صوره

~

تعال احسب بهمي عده انته
وكلبي شعده غيرك عده انته
ازعل الناس كلهه عده انته
لأن زعلك يزعلني عليه

~


تكتل حلات البيك والمثلك يهيد
شطلعك بـ اول يوم ظل دايخ العيد

~

دكات القلب ...تك .. تك .. تك ..
بس الك وحدك

                                                                                        علاء الساهر 

تدري شكدأحبك والكلب يهواك
أحبك مثل آدم من يحب حوى
طبع كلبي ترف مايحمل اللجمات
ومرات يتسودن حيل من يهوة
أذا عينك بحيرة ورمش عينك سيف
من يعطش دليلي شلون يتروه
شيفيد العمرلوما أعيشه وياك
حياتي بلايه حبك والله ماتسوة
تدري الكمر ينشاف بس من فوك
بس انت كمر من فوك ليجوة

ياوطن كافي هذا الدم يسيل

موخلص دمنه ومابقى ال القليل
ياوطن كم واحد بعز شباب

اندفن بترابك فارق هل حياة

ضحينه من اجلك سنين وعمر

وكم عمر انطينه لعيونك وكم وعلي 

وكم شعي وسني بيك مبتلي.
خلصن العمر احزان فوك احزان

وصار الفرح عدنه بذاكرت نسيان

عراق مابيك كلشي ونفتخر بيك

بس الدم والحزن عنك نكوله

نصحه بصوت عالي انفجارات 

واصبح عدنه الحزن بصفحه لولى..

ياحسافه الشامت بأخر زمان
يضحك ويركص على ابوابي ويدك
من بعد ماجان معكود اللسان
وحلكه لو يذكرنا ينشك الحلك
هسه ما اكدر احاجيك لا حرام
يكولي خانوا ؟؟ اي نعم خانو صدوكـ .!!

المؤمن كالورقة الخضراء لا يسقط مهما هبت العواصف

ما ندمت على سكوتي مرة ولكن ندمت على الكلام مرارا

لا تخف من مواجهة الحياة فأن بدا عليك زادت عليك الصعاب

الصداقة الوفاء.وأجمل ما في الوفاء الأمل

ليس المهم أن تحب المهم ماذا تحب

أحكم الرجال ...من ظن نفسه أقلهم حكمة

العقل مواهب...والعمل مكاسب

من كثر كلامه كثر خطؤه

الغني ليس بالمال ولكنه بالأصدقاء

الصديق المزيف كالعملة المزيفة لا تكشف إلا عند التعامل

أفضل الأعمال هي التي تعمل في صمت

ما تحصل عليه دون جهد تفقده دون ندم

الصداقة المزيفة كالطير المهاجر يرحل إذا ساء الجو

دردشة خواطر الملوك

للدخول الى دردشة خواطر الملوك

اضغط هنا

يبـِـرعِــونْ فـِي تغيـِـيـِـر وجـِوهـهـِـم كتغيـِـِر آحـذيـِتــهـم..~ْاليـِـوم آنــتْ قـِـريـِـب وغـِـِدآ غـِـريـِـب ~وهـِـذآ يـِـدل على حثـِـآلـه مجتمعِــِـك

لمراسلتي على صفحتي على الفيس بوك اضغط هنا

ان يطعنك احدهم فى ظهرك فهذا امر طبيعى ...ولكن ان تلتفت وتجده اقرب الناس اليك فهذه هى الكارثه .. مقاله بقلم ( حاتم البغدادي )

ان يطعنك احدهم فى ظهرك فهذا امر طبيعى ...ولكن ان تلتفت وتجده اقرب الناس اليك فهذه هى الكارثه  .. 

حاتم البغدادي            
 25\7\2014
افكر داماً لماذا نخون من نحبه هو اقرب الاشخاص الينا هل  يعود ذلك الى العامل الديني يعني ( ليس ملتزم دينياً ) او الى عوامل اخرى مثل الجهل او الامور النفسية او المادية او الضروف ,كل هذه الاشياء وقفت افكر فيها حتى استطعت والحمدالله من التحدث الى شخص يعاني من هذا المرض الخيانه بالفعل هو مرض بدأت مناقشتي معه وسالته بعض الاسائله وشخص يدعى ابراهيم متزوج ولديه 5 اطفال وقال انه على علاقه كثيره بنساء مع العلم هو يادي صلاته (ملتزم دينياً ) سالت ابراهيم

لماذا تقوم بعلاقات مع نساء وتخون زوجتك هل ذلك يرضي الله هل زوجتك قصرت معك في شي - قال زوجتي ملاك لم تقصر معي في شي
لكن انا رجل !! لم افهم قصد ابراهيم في هذا الشي هو رجل  وهل هكذا هي الرجوله ان تخون زوجتك التي سهرت وتعبت لتربي اطفالك اليس عندك مخافت الله بلفعل شي عجيب!!

لكن لانلوم الرجل فقط في هذا الشي هناك نساء يفعلن نفس الشي خيانت ازوجهم تعرفت على فتاة عن طريق الفيس وكانت متزوجة ايضاً بعد 7 اشهر من معرفتي لها استطعت وبحمد الله ان اعرف منها لماذا تخون زوجها اسمها (ياسمين ) عمرها 23 سنة فقط لماذا تخوني زوجك
 قالت انا متزوجة منذ4 سنوات ولديه بنت من عنده, ياسمين اذاً لما تخوني لاشعر بالامان معه اشعر بانه ليس برجل مع العلم وفر لي كل ماحتاج له !! ياسمين وهذا ليس برجل الاتعلمي ان الله سبحانه وتعالى يحاسبك حساباً شديداً على فعلك هذا عقاباً شديداً , ياسمين  ماذا يعمل زوجك يعمل في احدى مصافي النفط ويبقى فيها 7 او 4 ايام (خفر ) وهذا ليس برجل  كيف يكون الرجل بعد هذا وضع كل ثقته فيك وذهب ويسهر اليالي وارهقته الايام ليحضر  لقمت عيشه وليس برجل .
لكن ترين ماتفعليه منصف بحقه اذاكان لايعجبك اطلبي الطلاق ولا تخوني وبعدها افعلي ماتشائي لان الله سبحانه وتعالى شديد العقاب تذكري ذلك جيداً
هذا ماجرى بيني وبينها من كلام واستمر الحديث الى ساعات
هناك بعض الناس قالاً لي مايحصل هو سوء الاخلاق وعدم التربية الصحيحة لكلا الجنسين لو كان  كلا الجنسين يخافان الله وتربى على اساس صحيحه مكان حصل هذا الشي لكن سوء الاخلاق يودي بانهيار المجتمع وانيهار مستوى تفكير شبابنا  ايها المرء اجعل الله  هو مبتاغ في الدنيا والأخرة.
 كلمتي الاخيره اللهم احفظ شبابنا وبناتنا من كل سوء
لمراسلتي على صفحتي على الفيس بوك اضغط هنا